अनेरास्ववियु नगर कमिटी साँफेबगरको बैठक सम्पन्न

स्थानीय समाचार

Home
स्थानीय समाचार
अनेरास्ववियु नगर कमिटी साँफेबगरको बैठक सम्पन्न

अनेरास्ववियु नगर कमिटी साँफेबगरको बैठक सम्पन्न

Anerasobeuu Sanfe Nagar.jpg

अखिल नेपाल राष्ट्रिय स्वतन्त्र विद्यार्थी युनियन अनेरास्ववियु साँफेबगर नगर कमिटीको बैठक विभिन्न निर्णय गर्दै साँफेबगरमा सम्पन्न भएको छ । अनेरास्ववियु नगर कमिटी अध्यक्ष सुरज बुढाको अध्यक्षतामा भएको कार्यक्रममा नेकपा एमाले मष्टामाण्डौंका वडा कमिटी अध्यक्ष राजेन्द्र कोली प्रमुख अतिथि रहनु भएको थियो ।
प्रमुख अतिथि कोलीले अनेरास्ववियु विद्यार्थी संगठनमा बाघ भएकाले सबै विद्यार्थी एकताबद्ध भएर अघि बढन आग्रह गर्नु भयो । विद्यार्थी संगठन चलायनमान भएमा पार्टी सशक्त हुँदै जाने भएकाले त्यही अनुसार भूमिका निर्वाह गर्न आग्रह गर्नु भयो । कार्यक्रमका विशिष्ट अतिथि अनेरास्ववियु जिल्ला कमिटी सचिव भिम बडाहितले शैक्षिक क्षेत्रका विकृति विसंगति लगायत हरेक परिवर्तनमा अनेरास्ववियुले नेतृत्व लिनुपर्ने बताउनु भयो ।
कार्यक्रममा निवार्चित जिल्ला पदाधिकारी तथा जिल्ला कमिटी सदस्यहलाई बधाई तथा शुभकामना दिइएको थियो । उक्त कार्यक्रमले नगर, क्याम्पस र स्कुल कमिटीका सदस्यहरुलाई सदस्यता वितरण गर्ने भन्ने निर्णय गरेको छ । कार्यक्रममा होली विशेष देउडा र रंग लगाउने कार्यक्रम पनि गरिएको थियो । अनेरास्ववियु जिल्ला कमिटी सदस्य रेवन्त विष्ट, विन्दु बोहरा, जनता रैका, सुस्मिता कुँवर लगायत अन्य विद्यार्थीहरुको सहभागिता भएको कार्यक्रमा स्वागत मन्तव्य नगर कमिटी सह–सचिव लोकसरी कुँवरले गर्नुभएको थियो भने कार्यक्रमको संचालन नगर कमिटी सह–सचिव काजल रैकाले गर्नुभएको थियो ।

प्रकाशित मिति: बिहीबार, चैत ३, २०७८ १७:२४

प्रतिक्रिया दिनुहोस्