अछाम।
११२ औँ अन्तराष्ट्रिय महिला दिवसको अवसरमा अछामको साँफेबगर नगरपालिका वडा नम्बर १० घुघुरकोटमा देउडा खेल तथा विविध सांकृतिक कार्यक्रमको आयोजना गरीएको छ। मंगलबार ११२ औँ अन्तराष्ट्रिय महिला दिवसको अवसरमा देउडा खेल तथा विविध सांकृतिक कार्यक्रमको आयोजना गरीएको हो।
वडा कार्यालयको आयोजनामा भएको देउडा खेल तथा विविध सांकृतिक कार्यक्रममा सहभागि महिलाले आ–आफ्ना प्रतिभाहरु प्रस्तुत गर्नु भएको थियो। देउडा खेल तथा विविध सांकृतिक कार्यक्रम वडा स्तरीय महिला संजालका अध्यक्ष शारदा देवी बोगटीको अध्यक्षतामा भएको थियो।
देउडा खेल तथा विविध सांकृतिक कार्यक्रम वडा कार्यालयको आर्थिक सहयोग तथा सुआहारा, वाक नेपालद्धारा संचालित सामाजिक रूपान्तरणका लागी महिला सशक्तिकरण परियोजना लगायत विभिन्न साझेदार संस्थाहरुसंगको समन्वयमा भएको थियो।
कार्यक्रममा वडा अध्यक्ष लाल बहादुर खड्का, वडा सदस्य भरत बहादुर खड्का, शेर बहादुर बिक, बासमति भुल, शिक्षक गोकुल शाह, वाक नेपालद्धारा संचालित सामाजिक रूपान्तरणका लागी महिला सशक्तिकरण परियोजनाका सशक्तिकरण सहजकर्ता अप्सरा बुढा महता लगाएतको उपस्थिति रहेको थियो। कार्यक्रमको संचालन निर्मला देवी खड्काले गर्नु भएको थियो।
