ग्रामीण अल्ट्रासाउन्ड कार्यक्रम तथा प्रजनन रुग्णता स्वास्थ्य सेवा शिविर खप्तडमा सम्पन्न

स्थानीय समाचार

Home
स्थानीय समाचार
ग्रामीण अल्ट्रासाउन्ड कार्यक्रम तथा प्रजनन रुग्णता स्वास्थ्य सेवा शिविर खप्तडमा सम्पन्न

ग्रामीण अल्ट्रासाउन्ड कार्यक्रम तथा प्रजनन रुग्णता स्वास्थ्य सेवा शिविर खप्तडमा सम्पन्न

साँफेबगर ।

अछाम जिल्लाको साँफेबगर नगरपालिका वडा नम्बर १२ खप्तडमा १ दिने स्वास्थ्य शिविर सम्पन्न भएको छ।

साँफेबगर नगरपालिकाको आर्थिक सहयोग र स्वास्थ्य चौकी खप्तडको आयोजनामा ग्रामीण अल्ट्रासाउन्ड कार्यक्रम र प्रजनन रुग्णता स्वास्थ्य सेवा शिविर सम्पन्न भएको हो। पाठेघरको मुखको क्यान्सर खोज पडताल शिविरमा जम्मा ७५ जना महिलाले सेवा लिएका छन्।

गर्भवती महिलालाई दिइने ग्रामीण अल्ट्रासाउन्ड कार्यक्रम अन्तर्गत सेवा लिनेमा ८ जना रहेका छन्, पाठेघर खस्ने समस्या भएका महिलाहरु ११ जना (सेकेन्ड डिग्री) र भि.आईए. पोजेटिभ ४ जना शिविरमा देकिएका हुन्।

भि.आईए. पोजेटिभ देखिएकाहरुलाई थप परामर्श र उपचारका लागि बाहिर रिफर गरिएको हेल्थ असिस्टेन्ट हर्कदेव जोशीले जानकारी दिनु भयो। शिविरमा सिनियर अनमी जानकी शाह, विजयालक्ष्मी उपाध्याय र स्वास्थ्य चौकी खप्तडका स्वास्थ्यकर्मीहरुले सेवा दिएका थिए।

शिविर उद्घाटन कार्यक्रममा वडा अध्यक्ष जनक कडायतको अध्यक्षतामा भएको थियो र वडाका जनप्रतिनिधिहरु लगायतको शिविरमा सहभागिता रहेको थियो।

प्रकाशित मिति: बुधबार, फागुन २१, २०८१ १४:०१

प्रतिक्रिया दिनुहोस्