साँफेबगर नगरपालिकाद्वारा गरियो विभिन्न विद्यालयको अनुगमन

स्थानीय समाचार

Home
स्थानीय समाचार
साँफेबगर नगरपालिकाद्वारा गरियो विभिन्न विद्यालयको अनुगमन

साँफेबगर नगरपालिकाद्वारा गरियो विभिन्न विद्यालयको अनुगमन

साँफेबगर ।

अछाममको साँफेबगर नगरपालिका विद्यालय अनुगमन कार्यदलद्वारा साँफेबगर नगरपालिकाका विभिन्न विद्यालयहरुको अनुगमन गरिएको छ।

यहि १८ गते बुढाकोट र पातलकोटका विभिन्न विद्यालयहरुबाट सुरु गरिएको विद्यालय अनुगमन १९ गते साँफेबगर नगरपालिका वडा नम्बर ५ नवाठानको जाल्पादेवी आधारभूत विद्यालय वडा नम्बर ६ को भागेश्वरको चन्द्रोदय प्राथमिक विद्यालय, वडा नम्बर ७ रिडिकोटमा रहेका सरस्वती प्राथमिक विद्यालय, विपि स्मृति प्राथमिक विद्यालय, सरस्वती प्राथमिक विद्यालय ककडसात, वडा नम्बर ८ चन्डिकामा रहेको महेन्द्र माध्यामिक विद्यालय, पृथ्वी प्राथमिक विद्यालय,जगदम्बा प्राथमिक विद्यालय, मदरसा दारुल पुरान र नवदुर्गा आधारभुत विद्यालयमा पनि अनुगमन गरिएको हो।

अनुगमनका क्रममा विद्यालयको शैक्षिक अवस्था र विद्यालय प्रशासन, भौतिक संरचना तथा विद्यालयको वर्तमान अवस्था बारे अनुगमन गरिएको थियो।

अनुगमनमा साँफेबगर नगरपालिका सामाजिक विकास समिति संयोजक तथा विद्यालय अनुगमन कार्यदल संयोजक जनक कडायत, नगरपालिकाका शिक्षा युवा तथा खेलकुद शाखाका प्राविधिक सहायक झंकर खनाल, नगर शिक्षा समिति साँफेबगरका भगवती खनाल, अनुगमन कार्यदल सदस्य उमाकान्त जोशी, नेपाल पत्रकार महासंघ अछामका सहसचिव एकेन्द्र महता र पत्रकार रमेश परियारको सहभागिता रहेको थियो।