आर्थिक अभावले मृगौला पीडित ललित कुँवरको उपचारमा समस्या

स्थानीय समाचार

Home
स्थानीय समाचार
आर्थिक अभावले मृगौला पीडित ललित कुँवरको उपचारमा समस्या

आर्थिक अभावले मृगौला पीडित ललित कुँवरको उपचारमा समस्या

साँफेबगर ।

मृगौला पीडित ललित बहादुर कुँवरको उपचारमा समस्या भएको छ। साँफेबगर नगरपालिका वडा नं. ४ मष्टमाण्डौ बस्ने ४५ वर्षिय कुँवरको आर्थिक अभावका कारण उपचारमा समस्या भएको हो। लामो समय देखि देखी उपचार (डाइलेसीस) गराइ रहेका कुँवरको मृगौला फेर्नुपर्ने डाक्टरको सुझाव छ। तर आर्थिक अभावका कारण प्रक्रिया थाल्न समेत नसकिएको पीडित कुँवरले जानकारी दिनु भयो ।

‘मृगौला प्रत्यारोपण गर्न ठूलो खर्च लाग्ने भएको छ’ उहाँले भन्नु भयो–, ‘आर्थिक अवस्था कमजोर भएकाले अझै पनि सहयोगको अपेक्षा गरिरहेका छौं ।’ अहिले सम्म (डाइलेसीस) गर्नको लागि मात्रै १७ देखि १८ लाख रुपैया खर्च लागेको उहाँले भन्नु भयो । डा. अनुसार मृगौला प्रत्यारोपण गर्न अझै ३० लाख रुपैया खर्च लाग्ने भएको उहाँको भनाई रहेको छ । उहाँले उपचारको लागि साँफेबगरमा रहेको कृषि विकास वैंकमा ललित बहादुर कुँवरको खाता नम्बर ०८२२७००६५१६६५०१२ मा आर्थिक जम्मा गरि दिन अनुरोध गर्नु भएको छ।

अहिले हप्तामा दुई पटक डाइलेसीस लगायत अन्य उपचारको लागि ६५ हजार खर्च हुँदै आएको कुँवरका आफन्त वालगिरी कुँवरले जानकारी दिनु भयो । मृगौला पीडित कुँवरको ललितपुरको स्टार अस्पतालमा उपचार हुँदै आएको छ। आर्थिक अभावका कारण उपचार समस्या भएपछि नेकपा एमाले साँफेबगर नगर कमिटीले आर्थिक सहयोगको लागि रकम संकलन गर्ने निर्णय गरेको कमिटीका सचिव ललित वोगटीले जानकारी दिनु भयो। मृगौला पीडित कुँवर नगर कमिटीको पूर्व अध्यक्ष समेत हुन्। स्वास्थमा समस्या आए पछि उहाँले नगर कमिटीबाट राजीनामा दिनु भएको थियो।

आर्थिक संकलनको लागि ललित कुँवर बचाउ अभियान अन्र्तगत सुदूरपश्चिम प्रदेश र काठमाण्डौको लागि पशुपति कुँवर, अछाममा वालगिरी कुँवर, प्रवासमा आकाश कुँवर, शिक्षक संगठनको लागि जानकारी कुँवर र चक्र कुँवरलाई जिम्मा दिएको छ। यस्तै गैसस तर्फ रकम संकलनको लागि गोरख महता, जनप्रतिनिधि तर्फ वडा नं. १० घुघुरकोटका वडा अध्यक्ष ललित वोगटी र निजामति कर्मचारी संगठनबाट आर्थिक संकलनको लागि पुष्प वुढालाई पार्टीको नगर कमिटीले जिम्मेवारी दिएको छ।

प्रकाशित मिति: मंगलबार, पुस ९, २०८१ १७:४७

प्रतिक्रिया दिनुहोस्