बयालपाटा अस्पताललाई उचित बजेटको व्यवस्था गर्न माग

स्थानीय समाचार

Home
स्थानीय समाचार
बयालपाटा अस्पताललाई उचित बजेटको व्यवस्था गर्न माग

बयालपाटा अस्पताललाई उचित बजेटको व्यवस्था गर्न माग अस्पताललाई वेवास्ता गरिए सशक्त रुपमा आन्दोलन गर्ने चेतावनी

CPN UML.jpg

साँफेबगर ।

नेकपा एमाले साँफेबगर नगर कमिटीले बयालपाटा अस्पताललाई नीतिगत रुपमा उचित बजेट व्यवस्थापन गरिी संस्थागत गर्न माग गरेको छ। शनिबार एक विज्ञप्ती जारी गर्दे एमाले नगर कमिटीले नमुनाको रुपमा स्थापित बयालपाटा अस्पताललाई विभिन्न बाहनामा पन्छ्उने काम प्रदेश सरकारले गरेको भन्दै आपत्ति जनाएको छ।

यथाशिघ्र बजेटको व्यवस्था नगरे नेकपा एमाले वर्तमान सरकार विरुद्ध आन्दोलनमा उत्रिने चेतावनी दिएको छ। विदेशी दातृ निकायले सहयोग गर्ने रकममा कमि आएका कारण विगत केहि वर्षबाट यस संस्थालाई सुदुरपश्चिम प्रदेश सरकारले आफ्नो मातहतमा लिएर संचालन गर्ने भनिए पनि त्यसमा तदारुकता सुदूरपश्चिम प्रदेश सरकारले देखाउन सकेन।

अस्पतालले दिदै आएका सेवाहरु अवरुद्ध नहोस् भन्ने उद्धेश्यले सुदूरपश्चिम प्रदेश सरकारले केहि वर्ष यता निरन्तर वार्षिक रुपमा अस्पताललाई दिदै आएको अनुदान रकम आर्थिक वर्ष २०८०।०८१ मा नौ करोड रुपैयाँ दिने भन्ने घोषणा गरेको भए पनि हाल आएर प्रदेश सरकारले अनुदान रकम नदिई अस्पतालका सेवाहरु अवरुद्ध हुने र निकट भविष्यमा अस्पतालको अस्तित्व नै समाप्त गर्ने किसिमले गैर जिम्मेवार पूर्ण कार्य गरि राज्यको कर्तव्य र दायीत्वबाट नै भाग्न खोज्ने कार्य गरि रहेको छ विज्ञप्तीमा भनिएको छ।

नगर कमिटी अध्यक्ष ढकेन्द्र कुँवरले जनताको स्वास्थ्य जस्तो महत्वपूर्ण र गम्भिर विषयमा यसरी गैर जिम्मेवार बनि रहेको वर्तमान गठबन्धन सरकार र यसका मतियारहरु तिनै जनताको मत र कर लिएर आफु मात्र पोषिने र जनतालाई स्वास्थ्य उपचारबाट समेत वञ्चित गराउने कार्य गरि रहेकाले यो कार्य कुनै हालतमा जनतालाई सैह्य नहुने बताउनु भयो। उहाँले यस गम्भीर विषयलाई सुदुरपश्चिम प्रदेश सरकाले तुरुन्त गम्भीर रुपमा नलिई अस्पताल बन्द हुन सक्ने अवस्था श्रृजना गरेमा नेकपा एमाले यसका विरुद्व शसक्त कदम उठाएर सडकमा उत्रिने बताउनु भयो।

विज्ञपति सार्वजनिक कार्यक्रममा नेकपा एमाले सुदुरपस्चिम प्रदेश कमिटी सदस्य दुधकला बिष्ट, नेकपा एमाले सुदुरपस्चिम प्रदेश कमिटी लेखा कमिटीका सदस्य बालगिरी कुँवर, नेकपा एमाले साँफेबगर नगर कमिटी सचिव ललित बोगटी लगाएतको उपस्थिति रहेको थियो।

CPNML bigyapti1706966930.jpeg