महिला उद्यम समिति अछाम गठन

स्थानीय समाचार

Home
स्थानीय समाचार
महिला उद्यम समिति अछाम गठन

महिला उद्यम समिति अछाम गठन

Mangalsen.jpg

मंगलसेन ।

नेपाल घरेलु तथा साना उद्योग महासंघ महिला उद्यम समिति अछाम गठन गरीएको छ। बुधबार नेपाल घरेलु तथा साना उद्योग व्यवस्थापन समितिका अध्यक्ष बम बहादुर रावलको अध्यक्षतामा भएको भेलाबाट गौरी कलेलको अध्यक्ष्तामा १९ जनाको कार्य समिति गठन गरीएको हो।

समितिको उपाध्यक्षमा भगवति खड्का, सचिव अमृता उपाध्याय, सह–सचिव सिता साउँद, कोषाध्यक्ष पवित्रा साउँद चयन हुनु भएको छ। यस्तै सदस्यमा विनिता बिष्ट, निर्माला साउँद लगाएतका १४ जना सदस्य रहने गरी नयाँ कार्य समिति गठन गरीएको हो।

भेलाका प्रमुख अतिथि नेपाल घरेलु तथा साना उद्योग विकास समितिका सुदूरपश्चिम प्रदेश का अध्यक्ष नर बहादुर रावल रहनु भएको थियो।

यस्तै भेलामा नेपाल घरेलु तथा साना उद्योग विकास समितिका सुदूरपश्चिम प्रदेशका महासचिव पुष्पराज भट्ट, मंगलसेन नगरपालिकाका निवर्तमान नगर उपप्रमुख सरीता उपाध्याय, नेपाल घरेलु तथा साना उद्योग विकास समितिका सुदूरपश्चिम प्रदेश सदस्य पशुपति कुँवर, मंगलसेन नगरपालिकाका निमित्त प्रमुख प्रशासकीय अधिकृत चन्द्र प्रसाद ढुंगाना, मंगलसेन नगरपालिकाको महिला बालबालिका तथा जेष्ठ नागरीक शाखाका प्रमुख मञ्जु महत, लगाएतको उपस्थिति रहेको थियो।

प्रकाशित मिति: बुधबार, भदौ २२, २०७९ २०:२३

प्रतिक्रिया दिनुहोस्