मेल्लेख।
अछामको मेल्लेख गाउँपालिकामा नागरिकको अधिकार, कर्तव्य तथा स्थानीय शासनमा नागरिक सहभागिता अभिवृद्धि गर्ने उद्धेश्यले नागरिक आवाज र कर्तव्य सम्बन्धी जानकारीमूलक बैठक सम्पन्न भएको छ।
मेल्लेख गाउँपालिकाका उपाध्यक्ष नृप बहादुर खड्काको अध्यक्षतामा सम्पन्न बैठक आस्था नेपाल को आयोजनामा, मेल्लेख गाउँपालिकाको समन्वय तथा वल्र्ड भिजन इन्टरनेशनल नेपाल को सहयोगमा सम्पन्न भएको हो।
बैठकमा नागरिक अधिकार र कर्तव्य, स्थानीय सरकार प्रति नागरिकको भूमिका, सुशासन, पारदर्शिता, जवाफदेहिता तथा सेवा प्रवाह बारे स्थानीय बासिलाई थप जानकार र उत्तरदायी बनाउने विषयमा विस्तृत जानकारी दिईएको थियो। कार्यक्रममा प्राप्त सिकाईलाई समुदाय स्तरसम्म पु¥याई नागरिकलाई थप सचेत बनाउने प्रतिबद्धता समेत व्यक्त गरिएको छ।
कार्यक्रममा गाउँपालिकाका वडा अध्यक्षहरू, विभिन्न विषयगत शाखाका प्रमुख तथा सरोकारवाला निकायका प्रतिनिधिहरूको सहभागिता रहेको थियो।
बैठकको सहजीकरण आस्था नेपालका फिल्ड अधिकृत भ्वान सिंह सार्की ले गर्नु भएको थियो भने कार्यक्रमको सञ्चालन सामाजिक परिचालक तित बहादुर विश्वकर्मा ले गर्नु भएको थियो।
यस्ता कार्यक्रमलाई आगामी दिनमा पनि समुदाय स्तरमा विस्तार गर्दै नागरिकलाई आफ्ना अधिकार र कर्तव्य प्रति थप सचेत बनाउने तथा स्थानीय शासनमा नागरिकको सक्रिय सहभागिता बढाईने जनाईएको छ।
