धनगढी–२ को वडाअध्यक्षमा एकीकृत समाजवादीबाट खत्री सिफारिस

समाचार

Home
समाचार
धनगढी–२ को वडाअध्यक्षमा एकीकृत समाजवादीबाट खत्री सिफारिस

धनगढी–२ को वडाअध्यक्षमा एकीकृत समाजवादीबाट खत्री सिफारिस

surendra-chanda_20220420124817.jpg

धनगढी।

धनगढी उपमहानगरपालिका वडा नम्बर २ को अध्यक्षमा नेकपा (एकीकृत समाजवादी) बाट सुरेन्द्र खत्री सिफारिस भएका छन् । बुधबार बसेको वडा कमिटीको बैठकले खत्रीलाई सर्वसम्मत सिफारिस गरेको हो । यही वैशाख ३० गते हुने स्थानीय तह निर्वाचनका लागि पार्टीले उनलाई वडाअध्यक्षको लागि सिफारिस गरेको हो ।

पछिलो समय धनगढीका विभिन्न टोलमा नगर तथा वडाले फोहोर व्यवस्थापनमा ध्यान नदिएको पाइएको छ तर उम्मेदवार खत्रीले आफू अध्यक्ष भए पश्चात् फोहोर व्यवस्थापनलाई प्राथमिकता राखेर, शिक्षा, स्वास्थ्य, खानेपानी, रोजगारीसंगै आवश्यक पर्ने सम्पूर्ण कुरालाई अगाडी लैजानका लागी वडा बासीलाई आफूलाई जिताउन समेत अनुरोध गरे । स्वस्थ समाज नहुनजेल आफू मात्र स्वस्थ भएर केही पनि नहुने समेत उहाँले बताउनु भयो । दलित र पिछडिएका वर्गका समस्या र चुनौतीलाई प्राथमिकतामा राखेर समस्याको समधान गर्दै अगाडी बढ्ने समेत उहाँले प्रतिवद्वता जनाउनु भयो । पछिल्लो समय दलगत राजनीतिले आम मानिसमा वितृष्णा छाएको र पाका उम्मेदवारले जनभावना अनुसार काम गर्न नसकेको भन्दै उनले उम्मेदवारी दिएको बताए । उनले भने, समाज रुपान्तरणका लागि युवाहरू नै अगाडी आउन जरुरी छ । हालका जनप्रतिनीधिहरूले बाटोघाटो बनाउन सफल हुनु भएको होला । तर, समाजमा हुने भेदभाव, छुवाछुत, अन्य विपन्न, असहाय, महिला माथि हुने विभेद हटाउन कदम चाल्न सक्नुभएन । यसका लागि नयाँ सोच र जोसको खाँचो छ । त्यसैले उम्मेदवारी दिएको हुँ, खत्रीले बताए । उनले समाज रुपान्तरण र भ्रष्टाचार रोक्न पनि युवा आउन जरुरी रहेको समेत बताए ।

प्रकाशित मिति: आइतबार, वैशाख १८, २०७९ १०:१७

प्रतिक्रिया दिनुहोस्