बाजुरा जान लागेको जीप अछाममा दुर्घटना

स्थानीय समाचार

Home
स्थानीय समाचार
बाजुरा जान लागेको जीप अछाममा दुर्घटना

बाजुरा जान लागेको जीप अछाममा दुर्घटना

साँफेबगर ।

अछामको साँफेबगर नगरपालिका वडा नम्बर २ स्वारवाडा स्थित पहलमान सिंह स्वाँर मार्गमा बोलेरो जीप दुर्घटना हुँदा चालक सहित ५ जना घाईते भएका छन्।

बुधबार बिहान करिब ६ः५० बजे धनगढीबाट बाजुरा तर्फ आउँदै गरेको से १ ज ५४१ नम्बरको बोलेरो जीप अनियन्त्रित भई सडकबाट करिब ६० मिटर तल खसेको प्रहरीले जनाएको छ।

दुर्घटनामा चालक बाजुराको खप्तड छेडेदह गाउँपालिका वडा नम्बर ३ निवासी टेकेन्द्र रावत घाईते भएका छन्। उहाँको बायाँ खुट्टा भाँचिएको र अवस्था मध्यम रहेको प्रहरीले जनाएको छ।

त्यस्तै बाजुराको बुढीगंगा नगरपालिका वडा नम्बर ५ बस्ने अन्दाजी ४१ वर्षीया देबु खातीको छातीमा चोट लागेको छ। उहाँका श्रीमान ५३ वर्षीय नृप खातीको दाहिने हात र बायाँ आँखामा चोट लागेको प्रहरीले जनाएको छ।

यस्तै बुढीगंगा नगरपालिका वडा नम्बर ९ की ३४ वर्षीया उज्जला सेरला घाईते हुनु भएको छ। उहाँको बायाँ खुट्टामा चोट लागेको छ।

साथै ८० वर्षीया बैरागी सेरेलाको छाती र नाकमा चोट लागेको बताईएको छ। घाईते सबैको बयलपाटा प्रादेशिक अस्पतालमा उपचार भई रहेको प्रहरीले जनाएको छ।

प्रकाशित मिति: बुधबार, जेठ ६, २०८३ १२:१८

प्रतिक्रिया दिनुहोस्