साँफेबगरमा सुनौला हजार दिनका आमा र बालबालिकाका लागि पोषण अभिमुखीकरण कार्यक्रम

स्थानीय समाचार

Home
स्थानीय समाचार
साँफेबगरमा सुनौला हजार दिनका आमा र बालबालिकाका लागि पोषण अभिमुखीकरण कार्यक्रम

साँफेबगरमा सुनौला हजार दिनका आमा र बालबालिकाका लागि पोषण अभिमुखीकरण कार्यक्रम

साँफेबगर।

साँफेबगर नगरपालिकाको स्वास्थ्य शाखाको आयोजनामा सुनौला हजार दिनका आमाहरु तथा ५ वर्ष मुनिका बालबालिकाको पोषण सुधारका लागि विशेष अभिमुखीकरण तथा पोषण लेखाजोखा कार्यक्रम सम्पन्न भएको छ। कार्यक्रममा साँफेबगर नगरपालिका भित्रका सबै स्वास्थ्य चौकीका स्वास्थ्यकर्मीहरुलाई अभिमुखीकरण गरिएको थियो।

अभिमुखीकरणको मुख्य उद्देश्य ६ देखि ५९ महिनासम्मका बालबालिकामा हुने कुपोषणको अवस्था पहिचान गरी समयमै उपचार सेवा सुनिश्चित गर्नु रहेको बताईएको छ। विशेष गरी शिघ्र कुपोषण (SAM र MAM) को पहिचानलाई प्राथमिकतामा राखिएको थियो।

कार्यक्रममा पोषण लेखाजोखा कार्यलाई प्रभावकारी बनाउन मोबाईल एप (Kobo) मार्फत तथ्यांक संकलन गरिने जानकारी दिईएको छ। यसले तथ्यांक व्यवस्थापनलाई थप व्यवस्थित र विश्वसनीय बनाउने अपेक्षा गरिएको छ।

कार्यक्रमको सञ्चालन साँफेबगर नगरपालिका स्वास्थ्य शाखाका नरेश रावतले गर्नु भएको थियो भने अध्यक्षता नगर प्रमुख राजेन्द्र बहादुर कुँवरले गर्नु भएको थियो। कार्यक्रममा जनस्वास्थ्य निर्देशक लक्ष्मण नाथयोगीले कार्यक्रमका प्रस्तुतकर्ता तथा प्रशिक्षकको भूमिकामा रहँदै कार्यक्रमको उद्देश्य बारे प्रकाश पार्नु भएको थियो।

साथै नगर उपप्रमुख शिव बहादुर कुँवर अतिथिको रुपमा सहभागी हुनु भएको थियो। कार्यक्रमले स्थानीय स्तरमा पोषण सुधारका लागि आवश्यक ज्ञान, सीप र समन्वय अभिवृद्धि गर्ने विश्वास लिईएको छ।

प्रकाशित मिति: बुधबार, वैशाख १६, २०८३ १६:११

प्रतिक्रिया दिनुहोस्