साँफेबगर, अछाम
अछाम साँफेबगर नगरपालिका–४ का राजन भण्डारी २४ वर्षका भए । उनले यसपाली नेकपा एकीकृत समाजवादीबाट वडाध्यक्षमा उम्मेदवारी दिएका छन् । उनी अनेरास्ववियु र यूवा संघको राजनीतिबाट पार्टी राजनीतिमा पसेका हुन् ।
यूवा संघ साँफेबगर नगर कमिटी अध्यक्ष समेत रहेका भण्डारी आगामी बैशाख ३० गते हुने स्थानीय तहको निर्वाचनामा साँफेबगर नगरपालिका वडा नं. ४ मष्टामाण्डौंका लागि वडा अध्यक्षमा सिफारिस भएका छन् । उहाँसंगै ६ जनाको नाम सिफारिस भएको छ भने ती मध्ये सबै भन्दा बलिया उम्मेदवारमा देखिएका छन् भण्डारी । गत मंसिरमा भएको पार्टी विभाजनमा प्रतिगमन विरुदको लडाईमा अछामममा यूवाबाट भण्डारीको महत्वपूर्ण नेतृत्व संगै भूमिका रहेको थियो । उहाँले अछामका १० वटै स्थानीय तहमा गएर प्रतिगमन विरुदमा आवाज उठाउनु भएको थियो । यूवा आजको आवश्यकता भन्दै गाउँ, नगर वडामा यूवा वर्गलाई प्राथमिकतामा राखेर अगाडी बढ्न उहाँले पार्टीलाई सुझाव समेत दिनुभयो । जिल्लामा हुने भै परी समस्या किन नहुन, अस्पतालमा रगत देखि गाउँ टोल सरसफाई अभियान लगायत विभिन्न सामाजिक कार्यमा भण्डारीको सक्रियता अब्बल नै रहेको छ । पछिलो समय अछाम जिल्लाका विभिन्न गाउँ टोल नगरहरुले फोहोर व्यवस्थापनमा ध्यान नदिएको पाइएको छ तर उम्मेदवार भण्डारीले आफू अध्यक्ष भए पश्चिात् फोहोर व्यवस्थापनलाई प्राथमिकता राखेर, शिक्षा, स्वास्थ्य, खानेपानी, रोजगारी संगै आवश्यक पर्ने सम्पूर्ण कुरालाई अगाडी लैजानका लागी वडा बासीलाई आफूलाई जिताउन समेत अनुरोध गरे । स्वस्थ समाज नहुनजेल आफू मात्र स्वस्थ भएर केही पनि नहुने समेत उहाँले बताउनु भयो । दलित र पिछडिएका वर्गका समस्या र चुनौतीलाई प्राथमिकतामा राखेर समस्याको समधान गर्दै अगाडी बढ्ने समेत उहाँले प्रतिवद्वता जनाउनु भयो ।
पछिल्लो समय दलगत राजनीतिले आम मानिसमा वितृष्णा छाएको र पाका उम्मेदवारले जनभावना अनुसार काम गर्न नसकेको भन्दै उनले उम्मेदवारी दिएको बताए । उनले भने, समाज रुपान्तरणका लागि युवाहरू नै अगाडी आउन जरुरी छ । हालका जनप्रतिनीधिहरूले बाटोघाटो बनाउन सफल हुनु भएको होला । तर, समाजमा हुने भेदभाव, छुवाछुत, अन्य विपन्न, असहाय, महिला माथि हुने विभेद हटाउन कदम चाल्न सक्नुभएन । यसका लागि नयाँ सोच र जोसको खाँचो छ । त्यसैले उम्मेदवारी दिएको हुँ, भण्डारीले बताए । उनले समाज रुपान्तरण र भ्रष्टाचार रोक्न पनि युवा आउन जरुरी रहेको समेत बताए ।
