बान्नीगढीका प्रशासकीय अधिकृतले पाए निमित्तको जिम्मेवारी

स्थानीय समाचार

Home
स्थानीय समाचार
बान्नीगढीका प्रशासकीय अधिकृतले पाए निमित्तको जिम्मेवारी

बान्नीगढीका प्रशासकीय अधिकृतले पाए निमित्तको जिम्मेवारी

अछाम ।

अछामको बान्नीगढी जयगढ गाउँपालिकामा प्रमुख प्रशासकीय अधिकृतको जिमेवारी हेरफेर भएको छ। गाउँपालिकाको निमित्त प्रमुख प्रशासकीय अधिकृतको जिम्मेवारी झनक रेग्मीले पाउनु भएको छ।

रेग्मी पालिकाको प्रशासकीय अधिकृत पदमा कार्यरत हुनु हुन्छ। गाउँ कार्यपालिकाको कार्तिक ३० गते बसेको बैठकले रेग्मीलाई प्रशासकीय अधिकृतको जिम्मेवारी दिने निर्णय गरे पछि संघीय मामिला तथा सामान्य प्रशासन मन्त्रालयले उहाँलाई प्रशासनिक तथा आर्थिक अधिकार सहित निमित्त प्रमुख प्रशासकीय अधिकृतको जिम्मेवारी दिएको छ।

गाउँपालिकाका अध्यक्ष टेक बहादुर साउँदले मन्त्रालयले पठाएका प्रमुख प्रशासकीय अधिकृत कार्यालयमा नआएकाले बरिष्ठतम कर्मचारीका आधारमा रेग्मीलाई प्रमुख प्रशासकीय अधिकृत बनाउने निर्णय गरिएको बताउनु भयो।

बान्नीगढीमा यस अघि लामो समयसम्म स्वास्थ्य सेवाका वसन्त रावलले निमित्त प्रमुख भएर काम गर्दै आउनु भएको थियो। यस अघि छिमेकी मेल्लेख गाउँपालिकाले पनि प्रशासन सेवा समूह सातौं तहमा कार्यरत संगिता ताम्राकारलाई निमित्त प्रमुख बनाएको थियो।

संघीय मामिला मन्त्रालयले पठाएका प्रमुख प्रशासकीय अधिकृतहरु नआउँदा अछामका अधिकांश पालिका निमित्तको भरमा चलि रहेका छन्।