मानव अधिकार तथा शान्ति समाज अछामको २१ औ वार्षिक साधारण सभा सम्पन्न

स्थानीय समाचार

Home
स्थानीय समाचार
मानव अधिकार तथा शान्ति समाज अछामको २१ औ वार्षिक साधारण सभा सम्पन्न

मानव अधिकार तथा शान्ति समाज अछामको २१ औ वार्षिक साधारण सभा सम्पन्न

खप्तड समाचारदाता शनिबार, कात्तिक २९, २०८२

मंगलसेन ।

मानव अधिकार तथा शान्ति समाज अछामको २१ औ वार्षिक साधारण सभा मंगलसेनमा सम्पन्न भएको छ । नागरिक आकांक्षा,नागरिक स्वतन्त्रता र नागरिक सर्वोच्चता भन्ने मूल नाराका साथ सम्पन्न भएको साधारण सभाको उद्घाटन केन्द्रीय महासचिव एवम प्रमुख वक्ता प्रकाश शाहीले गर्नु भएको थियो । शान्ति, अहिंसा, लोकतन्त्र र मानव अधिकारको प्रतीकका रुपमा चारवटा मैनबत्ती प्रज्वलन गरी कार्यक्रमको उद्घाटन गरिएको थियो ।

साधारण सभाका प्रमुख वक्ता शाहीले देशको बर्तमान परिवेशलाई लक्षित गर्दै संबैधानिक आकांक्षाहरु परिपुर्ति नहुँदा देशको नागरिकमा चरम निराशा र आक्रोश देखि राखेको अवस्थामा राजनैतिक दल र देशको नेतृत्वहरु जिम्मेवार बन्न आफुहरुले बारम्बार आग्रह गर्दै आएको तर उहाँहरुले नागरिक स्तरबाट उठाएको कुराको अबमुल्यांकन गर्दा भाद्र महिनामा अकल्पनीय घटना हुन पुगेको बताउनु भयो। यसको साथै भाद्र २३ र २४ गते जेनजी आन्दोलन घटनाका मुख्य दोषी जो कोही भए पनि कानुनी दायरामा ल्याउनु पर्ने कुरामा जोड दिनु भयो। फेरि पनि अन्यऔल को अवस्थामा रहेको देशलाई सबै पक्ष मिलेर निकास दिन आग्रह गर्नु भयो।

कार्यक्रममा मानव अधिकार तथा शान्ति समाजका पूर्ब केन्द्रीय सचिव मदन कुँवर, षोडशा मा बि का प्रधानाध्यापक बृकेश सिंह बोगटी, बद्री प्रसाद रिमाल लगायत अतिथिहरुले आ-आफ्नो धारणा राख्नु भएको थियो । संस्थाका सभापति जय बहादुर बोगटीको सभाध्यक्षतामा भएको कार्यक्रममा सभापतिबाट संस्थाको बावार्षिक प्रगती प्रतिवेदन प्रस्तुत गरिएको थियो । वार्षिक साधारण सभाको सहजीकरण सचिव डम्बर बहादुर बोगटीले गर्नु भएको थियो ।