साँफेबगरमा ४५ औँ विश्व खाद्य दिवस मनाईयो

स्थानीय समाचार

Home
स्थानीय समाचार
साँफेबगरमा ४५ औँ विश्व खाद्य दिवस मनाईयो

साँफेबगरमा ४५ औँ विश्व खाद्य दिवस मनाईयो

साँफेबगर ।

साँफेबगरमा ४५ औँ विश्व खाद्य दिवस मनाईएको छ । स्वच्छ, पोषणयुक्त र सन्तुलित भोजनको महत्त्व बारे जनचेतना फैलाउने उद्धेश्य सहित हरेक वर्ष अक्टोबर १६ मा विश्व खाद्य दिवस मनाउने गरिन्छ ।

साँफेबगर नगरपालिका कृषि विकास शाखाको आयोजना डब्लु एचएच, पीसविन, वाक नेपाल, सम विकास नेपाल र लि–बर्डको साझेदारीमा ‘स्वच्छ खाना र सुखद भविष्यका लागि हातेमालो’ भन्ने मूल नाराका विभिन्न कार्यक्रम आयोजना गरिएको छ ‌।

साँफेबगर नगरपालिका कृषि शाखाका तुलक्षी थापाको अध्यक्षतामा भएको कार्यक्रमका प्रमुख अतिथि साँफेबगर नगरपालिकाका नगर प्रमुख राजेन्द्र बहादुर कुँवर रहनु भएको थियो। यस्तै कार्यक्रममा नगर उपप्रमुख शिव बहादुर कुँवर शिलोज, निमित्त प्रमुख प्रशासकीय अधिकृत देवसरा कुमारी थापा, विभिन्न वडाका वडा अध्यक्षहहरु, विभिन्न संघ संस्थाका प्रमुख तथा प्रतिनिधिहरुको सहभागिता रहेको थियो ।

कार्यक्रमको सञ्चालन साँफेबगर नगरपालिका पशु शाखाका कर्ण बहादुर कुँवरले गर्नु भएको थियो ।