नेकपा एमालेद्धारा शुभकामना आदानप्रदान तथा भेटघाट कार्यक्रम सम्पन्न

स्थानीय समाचार

Home
स्थानीय समाचार
नेकपा एमालेद्धारा शुभकामना आदानप्रदान तथा भेटघाट कार्यक्रम सम्पन्न

नेकपा एमालेद्धारा शुभकामना आदानप्रदान तथा भेटघाट कार्यक्रम सम्पन्न

साँफेबगर ।

नेकपा एमालेले शुभकामना आदानप्रदान तथा भेटघाट कार्यक्रम सम्पन्न गरेको छ । नेकपा एमाले जिल्ला कमिटी अछामले आयोजना गरेको कार्यक्रम अछाम क्षेत्र नं. १ को साँफेबगरमा सम्पन्न भएको हो ।

विजय दशमी तथा शुभ दिपावलीको अवसरमा शुभकामना आदानप्रदान तथा भेटघाट कार्यक्रम सम्पन्न गरेको हो । यस्तै उक्त कार्यक्रम मार्फत अछाम जिल्लाका विभिन्न ग्रामिण सडकहरु सरसफाई तथा सुचारु गर्न सबै पालिकाको ध्यानाकर्षण गराउने निर्णय पनि गरिएको बताईएको छ ।

नेकपा एमाले जिल्ला कमिटी अध्यक्ष शिव प्रसाद उपाध्यायको अध्यक्षतामा भएको कार्यक्रमका प्रमुख अतिथि नेकपा एमाले केन्द्रीय कमिटी सदस्य तथा अछाम क्षेत्र नं. २ का इञ्चार्ज यज्ञ बहादर बोगटी रहनु भएको थियो । यस्तै कार्यक्रममा प्रदेश कमिटी सदस्य पशुपती कुँवर, उपभोक्ता हित संरक्षण तथा सुशासन विभागका केन्द्रीय सदस्य देव बहादुर कुँवर, जिल्ला कमिटीका पदाधिकारीहरु, पालिका कमिटीका अध्यक्षहरु लगायत अन्य कार्यकर्ताहरुको उपस्थिति रहेको थियो ।

नेकपा एमाले साँफेबगर नगर कमिटी अध्यक्ष हिरिण्ड बहादुर कुँवरले स्वागत मन्तव्य राख्नु भएको कार्यक्रमको सञ्चालन नेकपा एमाले जिल्ला कमिटी सचिव हिरण्ड भट्टराईले गर्नु भएको थियो ।