राजनितिसंगसंगै स्वास्थ्य सेवा

स्थानीय समाचार

Home
स्थानीय समाचार
राजनितिसंगसंगै स्वास्थ्य सेवा

राजनितिसंगसंगै स्वास्थ्य सेवा

साँफेबगर ।

नेविसंघ अछामका सभापति खेमराज खड्का राजनीतिसंगसंगै नागरिकलाई स्वास्थ्य सेवा पनि दिई रहनु भएको छ । आफ्नो अतिरिक्त समयमा खड्काले नागरिकलाई स्वास्थ्य सेवा समेत दिई रहनु भएको हो ।

अछामको चौरपाटी गाउँपालिका वडा नम्बर ५ लुंग्रा निवासी खेमराज खड्काले उक्त सेवा दिई रहनु भएको हो । नेविसंघ अछामको जिल्ला अध्यक्ष समेत रहनु भएका खड्काले राजनितिसंगसंगै विदाका बेला (कार्यालय सञ्चालन नहुने समयमा) हुने विभिन्न घटनाका बिरामीहरुलाई स्वास्थ्य सेवा दिई रहनु भएको हो ।

उहाँले विगत लामो समय देखि कार्यालय समय भन्दा अन्य समयमा लंग्रा स्वास्थ्य चौकीमा आउने सेवाग्राहीहरुलाई स्वास्थ्यकर्मीको धर्मले सेवा दिँदै आउनु भएको छ ।

खड्काले हालसम्म करिब ५०–५५ जना बिरामी भन्दा बढीको घाउ चोटपटकमा टाका र प्रशुति सेवा समेत दिई सक्नु भएको छ ।