साँफेबगर।
वाक नेपालको सामाजिक परीक्षण तथा २८ औँ वार्षिक सभा कार्यक्रम सम्पन्न भएको छ। मंगलवार साँफेबगरको कराते हलमा सम्पन्न गरिएको हो। समृद्ध समाजको सृजना, वाक नेपालको चाहाना भन्ने नाराका साथ संस्थाको सामाजिक परीक्षण तथा २८ औँ वार्षिक सभा सम्पन्न गरिएको हो।
संस्थाले जिल्लाको शिक्षा, स्वास्थ्य, जिविको र्पाजन, विपद जोखिम न्युनिकरण, महिला सशक्तिकरण, जलवायु अनुकुलन र बाल संरक्षणको क्षेत्रमा विभिन्न परियोजना मार्फत काम गर्दै आएको छ। संस्थाको कार्य क्षेत्रमा रुपान्तरण कक्षा मार्फत बालबालिकाको नेतृत्व र व्यक्तित्व विकाससँगै दैनिक जिवनमा आई पर्ने समस्या सहज रुपमा समाधान गर्न सक्ने क्षमताको विकास गराएको, अभिभावकलाई असल अभिभावकत्व शिक्षा दिदा बालबालिका र अभिभावक बिचको सम्बन्ध सुमधुर बनाई रहेको छ, भने किसानहरुलाई आत्मनिर्भर बनाउन विभिन्न किसिमको सिप सिकाउनुका साथै प्रविधि समेत हस्तान्रण गरि उत्पादनमा बृद्धि गराउने काम गरेको छ। यसबाट स्थानीय स्तरमा किसानहरुलाई सानो तिनो व्यवसाय गर्न सहज भएको बताईएको छ।
वाक नेपालका अध्यक्ष मिन बहादुर कुँवरको अध्यक्षतामा सञ्चालन भएको कार्यक्रमका प्रमुख अतिथि साँफेबगर नगरपालिका नगर प्रमुख राजेन्द्र बहादुर कुँवर रहनु भएको थियो। कार्यक्रममा बोल्दै नगर प्रमुख कुँवरले वाक नेपालले विभिन्न सामाजिक परिवर्तनका कार्यहरु गरेको बताउनु भएको छ । उहाँले साँफेबगर नगरपालिका वाक नेपालसँग सहकार्य गर्दै आएको र आगामि दिनमा पनि थप सहकार्य गर्दै अघि बढ्ने प्रतिवद्धता जनाउनु भएको छ।
प्रमुख अतिथि नगर प्रमुख कुँवरले वाक नेपालले गर्दै आएका हरेक क्रियाकलाप उदाहणरीय रहेको भन्दै प्रशंसा गर्नु भएको छ। संस्थाले शिक्षा, पोषण, आय आर्जन, सामाजिक कुरीतिको अन्त्य र क्षमता अभिबृद्धिका क्षेत्रमा काम गर्दै आई रहेकाले संस्थाद्धारा सञ्चालित परियोजनाले समुदायका नागरिकहरुमा छुट्टै पहिचान बनाउन सफल भएको उहाँको भनाई रहेको छ। प्रमुख अथिति कुँवरले संस्थाले साँफेबगर नगरपालिकामा राम्रो काम गरेकै कारणले यस पालि यस्ता कार्यक्रमको दिगोपनाका लागि बजेटको दायरा समेत बढाएको बताउनु भयो।
अहिले केही वडामा मात्रै यो कार्यक्रम संचालनमा रहेको हुँदा आगामि दिनमा नगरपालिकाका सबै वडाहरुमा लैजानका लागि आवश्यक स्रोत साधनको व्यवस्थापन गर्ने प्रतिबद्धता समेत जनाउनु भएको छ। वाक नेपालको सहयोगमा नगरपालिकाको वडा नम्बर १० घुघुरकोटमा सञ्चालित दुना टपरी उद्योगबाट उत्पादन भएका दुना टपरीको बजारको व्यवस्थापनका लागि पालिका तयार रहेको जानकारी दिनु भयो। यस्तै उहाँले नगरपालिकाले पनि महिला तथा किशोरीलाई आत्मनिर्भर बनाउन विभिन्न किसिमका तालिम सञ्चालन गरि रहेको भन्दै तालिमबाट सिकेका सीपलाई व्यवहारमा लागु गर्न आग्रह गर्नु भएको छ।
वाक नेपालको सामाजिक परिक्षण तथा २८ औँ वार्षिक सभामा साँफेबगर नगरपालिकाका नगर उपप्रमुख शिव बहादुर कुँवर, कमलबजार नगर उपप्रमुख शारदा विष्ट कुँवर, अछामका सहयाक प्रमुख जिल्ला अधिकारी नरेन्द्र परियार जिल्ला समन्वय समिति सदस्य नरेन्द्र कुँवर, चौरपाटी गाउँपालिकाका वडा अध्यक्ष ललित बोगटी विशिष्ठ अतिथि रहनु भएको थियो। कार्यक्रममा संस्थाको गत आर्थिक वर्षको प्रगति प्रतिवेदन र आर्थिक प्रतिवेदन कार्यक्रम व्यवस्थापक टेक बहादुर थापाले प्रस्तुत गर्नु भएको थियोे भने संस्थागत प्रतिवेदन अध्यक्ष मिन बहादुर कँुवरले गर्नु भएको हो।
यस्तै संस्थाका उत्कृष्ट कर्मचारीहरुलाई पनि सम्मान गरिएको थियो। साँफेबगर नगरपािलकाका वडा अध्यक्षहरु, विभिन्न पाटीका प्रमुख तथा प्रतिनिधि, गैरसहकारी महासघं अछामका अध्यक्ष बल बहादुर केसी, वल्र्ड भिजन ईन्टरनेशनल नेपालका मिन बहादुर थापा, गुड नेवस ईन्टरनेशालका जगदिश दास एरयर्पोट बजार व्यवस्थापन समितिका अध्यक्ष राम बहादुर कुँवर, नगर दलित सञ्जाल, महिला सञ्जालका प्रतिनिधि, संस्थाका साधारण सदस्य पत्रकार लगाएतको कार्यक्रममा सहभागीता रहेको थियो। कार्यक्रमको सञ्चालन संस्थाका महासचिव सुशीला बोगटीले गर्नु भएको थियो।
तस्बिरहरु
-1758090232.jpeg)
