साँफेबगर ।
रुपान्तरण सहजकर्ताका लागि प्रशिक्षण प्रशिक्षक तालिम सुरु भएको छ । तीन दिने मानसिक स्वास्थ्य र आठ दिने रुपान्तरण प्रशिक्षण प्रशिक्षक तालिम साँफेबगरमा सुरु भएको हो । तालिम मार्फत प्रशिक्षर्थीलाई मानसिक सु–स्वास्थ्य सुदृढीकरण तथा मनोसामाजिक प्राथमिक सहयोग सम्बन्धी क्षमता विकास तालिम दिईने भएको छ ।
तलिम मार्फत नेपालमा किशोर किशारीको मानसिक सुस्वास्थ्यको अवस्था तथा आत्म–चेतनाको अभ्यासका साथै मानसिक रोग प्रति सामाजमा व्याप्त लाञ्छना तथा गलत धारणा प्रति मनोशिक्षाका साथै मिथ्या र तथ्यको अभ्यास गराउँदै मानसिक रुपमा स्वस्थ कसरी रहन सकिन्छ भन्ने उपायको जानकारी प्रदान गरिने तालिमका प्रशिक्षक एवम मनोचिकित्सक विज्ञ विपिन थापाले बताउनुभयो ।
उहाँका अनुसार तालिम मार्फत तनाव के हो र यसका कारक तत्वहरु साथै तनावको बेलामा व्यक्तिको जीवनमा देखिने असरहरु र प्रभावको जानकारी र सिआईए मोडेलको परिचयका साथ तनाव सामना तथा व्यवस्थापन गर्ने तरिका श्वासप्रश्वास विधिको अभ्यास गर्दै एक्सप्रेसिभ आर्ट थेरापीद्वारा किशोर किशोरीलाई तनाव व्यवस्थापनको उपायको बारेमा जानकारी दिईनेछ ।
यस्तै प्राथामिक मनोवैज्ञानिक सहयोगको बारेमा जानकारी गराउन आपतकालिन अवस्थामा प्राथमिक मनोवैज्ञानिक सहयोग प्रदान तथा सिफारीस तथा सहयोग माग्नु कमजोरी होईन, शक्ति हो भन्ने विश्वासको प्रत्याभूति गराउने तरीकाको बारेमा जानकारी दिन तालिमको आयोजना गरिएको तालिमका प्रशिक्षक गूड नेभरका प्रदेश संयोजक जगदिश दासले बताउनुभयो ।
उहाँले प्रशिक्षार्थीलाई आधारभुत संचारका साथै मौखिक अमौखिक सीपहरुको बारेमा जानकारी र किशोरकिशोरीका लागि सुरक्षित स्थान सिर्जना गर्न रुपान्तरण सुविधाकर्ताको महत्व र विश्वास निर्माण सम्बन्धि जानकारी दिईने बताउनु भयो । कोईका, गूडनेबर इन्टरनेशनल, यूएनएफपिएसंग सेवक नेपाल र वाक नेपाल अछामको साझेदारीमा सञ्चालित किशोरी तथा युवतीहरुका लागि सुरक्षित एवम सहयोगी वातावरण (सेफ गर्लस) परियोजना अन्तरगत तालिम सञ्चालन भएको हो ।
तालिममा साँफेबगर नगरपालिकाबाट १० जना, मंगलसेन नगरपालिकाबाट ११ जना र कमलबजार नगरपालिकाका ११ जना गरि जम्मा ३२ जना किशोरी तथा युवतीहरुको सहभागिता रहेको छ । तीन ओटा नगरपालिकाका जिविभि फोकल पर्सन सहित जम्मा ३५ जना सामुदायिक रुपान्तरण सहजकर्ताको सहभागिता रहको छ । सेबक नेपालको आयोजनामा सुरु भएको तालिम भदौ ४ गतेसम्म चल्ने जनाईएको छ ।
तालिम पश्चात विद्यालयमा किशोरी समुह गठन गरि उक्त रुपान्तरण मोडेल सञ्चालन हुने र उनीहरुको व्यवहार परिवर्तनमा सहजीकरण गर्ने तालिमको लक्ष्य रहेको छ ।
सेबक नेपालका पूर्व उपाध्यक्ष गणेश बहादुर कुँवरको अध्यक्षतामा भएको तालिम उद्घाटनमा, कार्यक्रमका प्रमुख अतिथि साँफेबगर नगरपालिका वडा नम्बर ४ वडा अध्यक्ष तथा कार्यबाहक नगर प्रमुख नवराज बुढा रहनु भएको थियो । यस्तै उद्घाटन समारोहमा वाक नेपालका कार्यक्रम व्यवस्थापक टेक बहादुर थापा लगायतको सहभागिता रहेको थियो ।
तालिम उद्घाटन कार्यक्रमको सञ्चालन सेबक नेपालका जेन्डर अधिकृत महेश हिताङले गर्नु भएको थियो ।
तालिम सम्बन्धि थप तस्बिरहरु ...
