साँफेबगर ।
नेकपा एमाले साँफेबगर नगर कमिटीको प्रथम बैठक विभिन्न निर्णय गर्दै सम्पन्न भएको छ ।
शनिबार नगर कमिटी अध्यक्ष हिरण्ड बहादुर कुँवरको अध्यक्षतामा भएको बैठकले दोस्रो साँफेबगर अधिवेशनको आयव्याय सार्वजनिक, योजना माग गर्ने र नगर कमिटी सचिवालय गठन लगायतका विषयमा छलफल गर्दै सम्पन्न भएको हो । यस्तै बैठकले पार्टीका संगठित सदस्यता नवीकरण लगायतका विषयमा छलफल गरिएको जनाईएको छ ।
बैठकमा नेकपा एमाले जिल्ला कमिटी सदस्य पुष्पराज भट्ट प्रमुख अतिथि रहनु भएको थियो । प्रमुख अतिथि भट्टले नेकपा एमालेका विभिन्न संगठन शुद्धिकरण र सुदृढीकरणका साथै विस्तारमा लाग्नु पर्ने आजको आवश्यकता भएको बताउनु भएको छ । उहाँले केही मान्छेहरुले बाटो विरायर गए पनि उहाँहरुको अन्तिम विन्दु नेकपा एमाले नै रहने बताउनु भयो ।
यस्तै प्रमुख अतिथि भट्टले पार्टी निर्माणका लागि हिजो पनि सबैको अपरिहार्य भुमिका रहेको र भोली पनि उतिकै भुमिकाको आवश्यकता रहने औंल्याउनु भयो ।
बैठकमा नेकपा एमाले जिल्ला कमिटी सदस्य शिव खड्का, जितेन्द्र कुँवर, सर्जन परियार, भुपु सैनिक तथा प्रहरी संगठनका जिल्ला संयोजक देव बहादुर कुँवर, नेकपा एमाले मण्टामाण्डौंका अध्यक्ष भक्त बहादुर भण्डारी, घुघुरकोटका अध्यक्ष गोरख महता, वैजनाथका अध्यक्ष तिलक शाह, अनेरास्ववियुका नेता तथा नेकपा एमाले देवीस्थानका अध्यक्ष रेबन्त बिष्ट, पूर्व नगर कमिटी सदस्य दिलिप बोगटी, सोवराज उपाध्याय, खेम कुँवर लगायतको उपस्थिति रहेको थियो ।
बैठकको संचालन नगर कमिटी सचिव भिम बडाहितले गर्नु भएको थियो ।
