साँफेबगर ।
राष्ट्रिय दलित पत्रकार संघ नेपाल जिल्ला शाखा अछामको दोस्रो जिल्ला अधिवेशन नयाँ नेतृत्व चयन गर्दै साँफेबगरमा सम्पन्न भएको छ। शनिबार राष्ट्रिय दलित पत्रकार संघ नेपाल जिल्ला शाखा अध्यक्ष सुरत बहादुर सुनारको अध्यक्षतामा अधिवेशन सम्पन्न भएको हो।
अधिवेशनका प्रमुख अतिथि साँफेबगर नगरपालिकाका उपप्रमुख शिव बहादुर कुँवर शिलोज रहुनु भएको थियो। कार्यक्रमको उद्घाटन सत्रका प्रमुख अतिथिको नगर उपप्रमुख कुँवरले समाजमा पछिल्लो समय अपवाह फैलिने खालका सञ्चार माध्ययममा सूचना तथा समाचार सम्प्रेषण भई रहेको प्रति संकेत गर्दै यथार्थ परक सामाग्री सम्प्रेषण गर्नु पर्नेमा जोड दिनु भयो।
एक फरक प्रसंगमा बोल्दै कुँवरले स्थानीय सरकारलाई अधिकार दिनमा केन्द्र सरकारले कञ्जुसाई गरेको बताउनु भयो। समाजमा रहेका जातिय छुवाछूत तथा विभिन्न किसिमका विभेद हटाउन पत्रकारसंगै सबै क्षेत्रको उतिकै भुमिका रहेको बताउनु भयो। अधिवेशनको खुला सत्र पछि दलित सचेतिकरण विषयक अन्तरक्रिया तथा प्रशिक्षण कार्यक्रम पनि भएको थियो।
अधिवेशनको दोश्रो सेसन दलित सचेतिकरण विषयक अन्तर्क्रिया कार्यक्रममा सहयात्रा फाउन्डेसन नेपालका अध्यक्ष सुर्जन नेपाली र राष्ट्रिय दलित मुक्ति अभियानका अध्यक्ष प्रेम बिसीले प्रशिक्षण समेत गराउनु भएको थियो।
अधिवेशनको बन्द सत्रबाट रमेश परियारको अध्यक्षतामा ७ सदस्यीय नयाँ कार्य समिति चयन गरिएको छ। जसको उपाध्यक्ष रमिता विक, सचिव हिक्मत बहादुर नेपाली, सहसचिव रेनुका परियार, कोषाध्यक्ष मिलन नेपाली, सदस्यमा शर्मिला ताम्राकार र मनोज भुल सर्वसम्मत चयन हुनु भएको छ।
निर्वाचित पदाधिकारीहरुलाई राष्ट्रिय दलित पत्रकार संघ सुदूरपश्चिम प्रदेश समिति सदस्य लाल बहादुर चदाराले पद तथा गोपनियताको सपथ ग्रहण गराउनु भएको थियोे।
उद्घाटन सत्रमा जिल्ला स्थित जनप्रतिनिधि, विभिन्न राजनितिक दलका प्रतिनिधि संघ, संस्थाका प्रतिनिधिहरु पत्रकार लगायतको उपस्थिति रहेको थियो।
![राष्ट्रिय-दलित-पत्रकार-संघ-अछामको-अधिवेशन-1-1715514411.jpg](https://www.khaptadnews.com/uploads/posts/राष्ट्रिय-दलित-पत्रकार-संघ-अछामको-अधिवेशन-1-1715514411.jpg)
![4-1715514406.jpg](https://www.khaptadnews.com/uploads/posts/4-1715514406.jpg)
![5-1715514406.jpg](https://www.khaptadnews.com/uploads/posts/5-1715514406.jpg)
![3-1715514403.jpg](https://www.khaptadnews.com/uploads/posts/3-1715514403.jpg)
![2-1715514403.jpg](https://www.khaptadnews.com/uploads/posts/2-1715514403.jpg)
![राष्ट्रिय-दलित-पत्रकार-संघ-अछामको-अधिवेशन-1-1715513739.jpg](https://www.khaptadnews.com/uploads/posts/राष्ट्रिय-दलित-पत्रकार-संघ-अछामको-अधिवेशन-1-1715513739.jpg)