लैंगिक हिंसा रोकथामका लागि समुदाय स्तरीय छलफल कार्यक्रम मष्टामाण्डौंमा सम्पन्न

स्थानीय समाचार

Home
स्थानीय समाचार
लैंगिक हिंसा रोकथामका लागि समुदाय स्तरीय छलफल कार्यक्रम मष्टामाण्डौंमा सम्पन्न

लैंगिक हिंसा रोकथामका लागि समुदाय स्तरीय छलफल कार्यक्रम मष्टामाण्डौंमा सम्पन्न

Mastamandau.jpg

साँफेबगर।

लैंगिक विभेदमा आधारित हिंसा रोकथाम र प्रतिकार्य परियोजना अन्तरगत दोस्रो चरण अन्तरगत लैंगिक हिंसा रोकथामका लागि समुदाय स्तरीय छलफल कार्यक्रम मष्टामाण्डौंमा सम्पन्न भएको छ।

साँफेबगर नगरपालिका वडा नम्बर ४ मष्टामाण्डौ स्थित खाती टोल सामुदायिक वनका उपभोक्ताहरुसंग लैंगिक विभेदमा आधारित हिंसा रोकथाम र प्रतिकार्य परियोजना अन्तरगत दोस्रो चरण अन्तरगत लैंगिक हिंसा रोकथामका लागि समुदाय स्तरीय छलफल गरिएके हो।

युएनएफपीएको आर्थिक सहयोग, भिएसओ र पीसविन नेपालको सहयोगमा छलफल सम्पन्न भएको हो। छलफलका क्रममा लैंगिक विभेदमा आधारित हिंसा रोकथाम र प्रतिकार्य परियोजना अन्तरगत दोस्रो चरणको बारेमा जानकारी लैंगिक तथा सामाजिक मुल्य मान्यता रुपान्तरण सम्बन्धि अन्तरक्रियाका बारेमा छलफल भएको थियो।

लिंग र लैंगिकता, लैंगिक विभेदमा आधारित हिंसा, हिंसाका प्रकार, असर र परिणामहरु असमान शक्ति सम्बन्ध र यसका कारण हुने लैंगिक हिंसा रेफरल निकाय र स्थानीय लैंगिक हिंसा निवारण कोष सम्बन्धि छलफल गरिएको थियो। यस्तै छलफलमा हिंसा रोकथाम गर्ने र हिंसा प्रभावितहरुलाई सहयोग गर्ने समुदायमा आधारित संघ संस्थाहरुको भुमिका र जिम्मेवारी लगाएतका विषयमा छलफल भएको थियो।

खाती टोल सामुदायिक वनका उपभोक्ता समुहका अध्यक्ष लाल बहादुर रावतको अध्यक्षतामा भएको छलफल कार्यक्रमका प्रमुख अतिथि साँफेबगर नगरपालिका वडा नम्बर ४ मष्टामाण्डौका वडा सदस्य नारायण उपाध्याय रहनु भएको थियो। छलफलमा खाती टोल सामुदायिक वन उपभोक्ता समुहका पदाधिकारीहरुको सहभागिता रहेको थियो। छलफलको सहजीकरण पीसविनका सामुदायिक स्वयम सेवक सिता कुँवर र विदुर रावलले गर्नु भएको थियो।

Mastamandau.jpg 11699275024.jpg