साँफेबगर ।
अछाम जिल्ला क्षेत्र नम्बर १ बाट प्रतिनिधि सभा सदस्य पदका स्वतन्त्र उम्मेदवार राजन कुँवरले आफ्नो प्रतिवद्धता पत्र सार्वजनिक गर्नु भएको छ। मंगलबार साँफेबगरमा पत्रकार सम्मेलन गरी आफुले गर्ने कामको सुचि सहितको प्रतिवद्धता पत्र सार्वजनिक गर्नु भएको हो। उहाँले आफ्नो उम्मेदवारी अछामको विकास र जिल्लाका जनताको मुहारमा खुशी ल्याउनका लागि भएको उदेघोष गर्नु भएको छ।
उहाँले भन्नु भयो म राजनितिमा लागे देखि कुनै लाभको लागि काम गरिन् समाजसेवा नै मेरो प्रथामिक्तामा रह्यो अब चुनाव जिते भने जनतालाई पहिलो प्राथमित्तामा राखेर काम गर्नेछु। उहाँले सार्वजनिक गरेको प्रतिवद्धता पत्रमा संस्थागत भ्रष्टचार अन्त्य देखि विकास निर्माणका कुराहरु प्राथमित्तामा रहेका छन्।
उहाँले शिक्षा, स्वास्थ्य, पूर्वाधार विकास, स्वरोजगारी, युवा तथा खेलकुद, पर्यटन, सामाजिक रुपान्त्ररण, सहयोग केन्द्र स्थापना र कृषी तथा पशुपालनलाई मुख्य प्राथमित्तामा राख्नु भएको छ। कुँवरको प्रतिवद्धता पत्रमा भनिएको छ, म आफ्नो सम्पत्ति विवरण सार्वजनिक गर्नेछु। आफ्नो क्षेत्रका सरोकारवालाहरूको राय सुझाव संकलन गर्न अनलाईन र अफलाईन माध्ययम बनाउने छु।
उहाँले भन्नु भयो प्राप्त सुझावहरूलाई संसद्रुमा लगेर सम्बन्धित नीति, कानुनको छलफलमा राख्ने छु। कोही कसैसंग नडराई महत्वपूर्ण विषयहरूमा निर्धक्क आफ्नो विचार र आफ्नो क्षेत्रका मतदाताहरूको अडान राख्ने छु। संस्थागत रुपमा मौलाई रहेको भ्रष्टाचारको विरुद्ध सडक देखि सदनसम्म सशक्त आवाज उठाने छु।
निर्वाचन आयोगले स्थानीय तहमा उम्मेदवार बनेकाहरूबाट खर्च विवरण नबुझाउनेहरूलाई लाखौं रुपैयाँ जरिवाना गरेको छ। आयोगको उक्त अस्वभाविक जरिवानाले गर्दा निम्न वर्गको ढाडै सेकिएको छ। अस्वभाविक जरिवाना लिने उक्त ऐन संशोधनका लागि आवाज उठाउने छु।
उम्मेदवारहरूले चुनावको समयमा मत संकलन गर्न झुटा आश्वासन बाँड्ने र पछि पूरा नगर्ने परिपाटी छ। म चुनाव जित्नका लागि झुटा आश्वासन बाँड्न चाहान्न। जति गर्न सक्छु त्यति मात्रै भन्छु।
