साँफेबगर ।
अछामको साँफेबगर नगरपालिका वडा नम्बर९ बुढाकोट निवासी समाजसेवि एकेन्द्र कुँवर आगामि मंसिर ४ गते हुने प्रतिनिधि सभाको चुनावमा समानुपातिकाबाट सिफारिस हुनु भएको छ । नेकपा एमाले निकट नेपाल खेलकुद महासंघले, महासंघका केन्द्रीय उपाध्यक्ष, राष्ट्रिय खेलकुद परिषद्का वोर्ड सदस्य कुँवरलाई संघको समानुपातिकबाट सिफारिस गरेको हो ।
गैर आवासीय नेपाली संघका सल्लाकार संयोजक समेत रहेका कुँवरलाई समानुपातिकको एक नम्बर लिष्टमा सिफारिस गरिएको छ । कुँवरसंगै नेपाल खेलकुद महासंघका रामकृष्ण खड्का, जलु राजभण्डारी पनि सिफारिस पर्नु भएको छ ।
राष्ट्रिय खेलकुद परिषद् वोर्ड सदस्य कुँवरले कोरोना भाईरस ९कोभिड–१९० को नियन्त्रण र रोकथाम गर्न लागू गरिएको लकडाउनमा धनगढीमा आफै आएर काठमाण्डौं स्वाव परिक्षणको लागि लिएर जोखिमपूर्ण काम गर्नु भएको थियो । यस्तै उहाँले लकडाउन लागू भए पछि सुदूरपश्चिममा स्वास्थ्य सामग्रीवितरण, दैनिक ज्यालादारी गरी गुजारा चलाउदै आएका मजदुर, आर्थिक अवस्था कमजोर भएका विपन्न वर्गलाई व्यक्तिगत खर्चमा राहत स्वरुप खाद्यान्न वितरण समेत गर्नु भएको थियो ।
अध्ययनका लागि काठमाण्डौंमा रहेका सुदूरपश्चिम प्रदेशका विद्यार्थीलाई राहत उपलब्ध गराउनु भएको थियो । फ्रन्टलाईनमा खटिने स्वास्थ्यकर्मी, सुरक्षाकर्मी र संचारकर्मीलाई सुरक्षाका सामान प्रदान गर्ने देखि अलपत्र परेका नागरिकको उद्दारमा समेत सक्रिय रहनुभयो । यस्तै काठमाण्डौं उपत्यकाका विभिन्न स्थानमा १ सय १० परिवारलाई राहत वितरण जुटुनु भयो ।
राष्ट्रिय खेलकुद परिषद् वोर्ड सदस्य कुँवरले वडासैन क्रिक्रेट मैदान र साँफेबगर नगरपालिका वडा नम्बर १ वैजनाथमा निर्माणाधिन खेलकुल मैदान निर्माणमा महत्वपूर्ण भूमिका निर्वाह गर्नु भएको हो । उहाँले अहिले अछाममा आयोजना हुने विभिन्न खेलकुद प्रतियोगितमा समेत सहयोग गर्दै आउनु भएको छ ।
