अनेरास्ववियु अछामद्धारा प्रधानमन्त्री कार्यालयमा ज्ञापन पत्र पेश

समाचार

Home
समाचार
अनेरास्ववियु अछामद्धारा प्रधानमन्त्री कार्यालयमा ज्ञापन पत्र पेश

अनेरास्ववियु अछामद्धारा प्रधानमन्त्री कार्यालयमा ज्ञापन पत्र पेश

Aneraswabiyu Achham.jpeg

अछाम ।

अखिल नेपाल राष्ट्रिय स्वतन्त्र विद्यार्थी युनियन जिल्ला समिति अछामले विभिन्न माग राखेर प्रमुख जिल्ला अधिकारी मार्फत प्रधानमन्त्री तथा मन्त्रिपरिषद्को कार्यालयमा ज्ञापन वुझाएको छ। अनेरास्ववियु अछामका जिल्ला संयोजक कमल कोलिले प्रमुख जिल्ला अधिकारी शरद पोखरेल मार्फत आईतबार प्रधानमन्त्री कार्यालयलाई ज्ञापन पत्र वुझाउनु भएको छ।

ज्ञापन पत्रमा विद्यार्थीहरुलाई यातायातमा ४५ प्रतिशत छुट दिनु पर्ने, यातायातमा आरक्षण कोटा सुरक्षित गर्नु पहल गर्नु पर्ने उल्लेख गरिएको छ। यस्तै भर्खरै सरकारले पेट्रोलियम पदार्थ र एलपी ग्यासमा मुल्य वृद्धि गरेको प्रति अनेरास्ववियु गम्भीर ध्यानाकर्षण भएको ज्ञापन भनिएको छ।

जिल्ला प्रशासन कार्यालय अछामललाई पनि जिल्लाका समसामयीक समस्या राखेर ध्यानाकर्षण गरिएको संयोजक कमल कोलीले जानकारी दिनु भएको छ। सबै स्थानीय तहमा बजार अनुगमन गर्नु पर्ने, जिल्लाका विभिन्न सरकारी तथा गैरसरकारी संघ संस्थाहरुले शनिवार पनि सरकारी गाडीको दुरुपयोग भएकोले तत्काल रोकीनु पर्ने, लामो तथा छोटो दुरीका यातायातहरुको भाडा दरमा एकरुपता बनाउनु पर्ने माग राखेर प्रमुख जिल्ला अधिकारीको पनि ध्यानाकर्षण गराएको उहाँले जानकारी दिनुभएको छ।

अनेरास्ववियु अछामले गरेका मागहरु कार्यान्वयन नभए रचनात्मक आन्दोलनका कार्याक्रम घोषणा गर्ने र आन्दोलवाट हुन सक्ने क्षतिको सम्पूर्ण जिम्मेवारी सम्बन्धित निकायले लिनु ज्ञापन पत्रमा उल्लेख गरिएको छ ।

प्रकाशित मिति: सोमबार, भदौ १८, २०८० १७:३३

प्रतिक्रिया दिनुहोस्