उपप्रमुख पदका उम्मेदवार ठकुल्लाले गरे चुनावी प्रसार–प्रसार कार्यक्रमलाई छोडेर रक्तदान

स्थानीय समाचार

Home
स्थानीय समाचार
उपप्रमुख पदका उम्मेदवार ठकुल्लाले गरे चुनावी प्रसार–प्रसार कार्यक्रमलाई छोडेर रक्तदान

उपप्रमुख पदका उम्मेदवार ठकुल्लाले गरे चुनावी प्रसार–प्रसार कार्यक्रमलाई छोडेर रक्तदान

Ranga BahadurThakulla 1.pmd.jpg

साँफेबगर।

बाम गठबन्धनको तर्फबाट साँफेबगर नगरपालिकाको उपप्रमुख पदका उम्मेदवार रंग बहादुर ठकुल्ला चुनावी प्रसार–प्रसार कार्यक्रमलाई छोड्दै रगतको अभावमा छटपटिएकी महिलालाई रक्तदान दान गर्नु भएको छ। उहाँले साँफेबगर नगरपालिका वडा नम्बर ३ शिद्धेश्वरमा भई रहेको चुनावी प्रसार–प्रसार कार्यक्रमलाई छोडेर रक्तदान गर्न बयलपाटा अस्पताल पुग्नु भएको हो।

उहाँले साँफेबगर नगरपालिका वडा नम्बर ३ शिद्धेश्वरको गैरागाउँका ५५ बर्षिया सेतु ठकुल्लालाई एक पोका रगत दान गर्नु भएको छ। रगतको अभावमा तीन दिन देखि अस्पतालमा छटपटाई रहनु भएकी ठकुल्लालाई रगतको आवश्यकता भएको थाहा पाए पछि उहाँले आफ्नो चुनावी घर दैलो तथा प्रचार–प्रसार कार्यक्रमलाई छोडेर रक्तदान गर्न बयलपाटा अस्पताल पुग्नु भएको थियो।

उहाँले शरीरमा ६ पिन्ट मात्रै रगत भएकी ठकुल्लालाई रक्तदान गरेको बताउनु भयो। उहाँ नेकपा एमाले र नेकपा माओवादी केन्द्रको तर्फबाट सूर्य चिन्ह लिएर चुनावी मैदानमा रहनु भएका ठकुल्लाले चौथो पटक रक्तदान गरेको बताउनु भएको छ।

(रक्तदान पछि बिरामीलाई सान्त्वना दिदै साँफेबगर नगरपालिकाको नगर उपप्रमुख पदका उम्मेदवार रंग बहादुर ठकुल्ला।)