मंगलसेन, अछाम ।
अछाम जेसीजको आयोजनामा ७० औं राष्ट्रिय प्रजातन्त्र दिवसको अवसरमा सदरमुकाम मंगलसेनमा दीप प्रज्वलन कार्यक्रम सम्पन्न भएको छ।
अछाम जेसीज वर्ष २०२२ का अध्यक्ष सिद्धराज ढुंगानाको अध्यक्षतामा भएको कार्यक्रममा जिल्ला स्थित युवा, पत्रकार, सुरक्षाकर्मी लगायत विभिन्न सरकारी तथा गैरसरकारी संस्थाका प्रमुख तथा प्रतिनिधिहरूको समेत उपस्थिति रहेको थियो।
कार्यक्रममा उपस्थित सम्पूर्ण सहभागीहरूले अछाम जेसीजले गरेका विभिन्न खालका रचनात्मक कामको प्रशंसा गर्दै प्रजातान्त्र दिवसका अवसरमा आयोजना गरेको दिप प्रज्वलन कार्यक्रमको समेत प्रशंसा गरेका थिए। साथै उहाँहरूले अछाम जेसीजले आगामी दिनहरूमा जिल्लामा हुने विभिन्न खालका अन्याय, अत्याचार र भ्रष्टचार विरूद्दमा सशक्त रूपमा लाग्नु पर्ने समेत बताउनु भएको थियो।
युवाहरूको व्यक्तिगत नेतृत्व विकासका साथै सोचमा समेत सकारात्मक परिर्वतन गराई सामाजिक सेवामा अभिप्रेरित गराउने उदेश्यका साथ सन् २०१३ मा स्थापित अछाम जेसीजले जिल्लामा पर्यटन प्रवर्द्धन, कु–संस्कारको अन्त, पुरातात्त्विक महत्वको संरक्षणको अभियान, युवा उद्यमशिलता, व्यक्तित्व विकास लगायतका तालिम, रक्तदान सम्मान, पर्यटकीय स्थलको प्रचार–प्रसार,राहात वितरण, खेलकुद, युवा सूचना केन्द्र स्थापना, तालिमहरू संञ्चालन र विभिन्न दिवसहरू मनाउनुका साथै थुप्रै अन्य रचनात्मक र सृजनात्मक कार्य गर्दै आइरहेको छ।
सोही अवसरमा ७० औं प्रजातान्त्र दिवसका अवसरमा आयोजित दिप प्रज्वलन कार्यक्रमको समापनमा बोल्दै अछाम जेसीज वर्ष २०२२ का अध्यक्ष सिद्धराज ढुंगानाले तत्कालीन समयमा जहानिया राणा शासनको अन्तका नीम्ति आफ्नो ज्यानको आभूती दिने सहिदहरूलाई सम्झदै उहाँहरूले गरेको त्यागको कारणले नेपालमा लोकतन्त्र आएको स्मरण गर्नु भएको थियो ।
साथै उहाँले शहिदले देखाएको बाटोमा अघि बढ्दै देश विकासका लागि सबै एकजुट हुनुपर्ने बताउनु भयो। अन्याय, अत्याचार र कुशाशन विरुद्धमा शहिदले दिएको बलिदानीलाई आत्मसाथ गर्दै सुमुन्नत राष्ट्र निर्माणको लागि सबै अग्रसर हुनुपर्ने उहाँको भनाई रहेको कार्यक्रमको संञ्चालन अछाम जेसीज वर्ष २०२२ का उपाध्यक्ष रिदम विकले गर्नुभएको थियो।
