साँफेबगर।
नेकपा एमाले सुदूरपश्चिम प्रदेश कमिटी सदस्य हर्क बहादुर कुँवर गोविन्दले बैशाख ३० गते हुन गई रहेको स्थानीय निर्वाचनमा साँफेबगर नगरपालिकामा नेकपा एमालेको जित सुनिश्चित रहेको बताउनु भएको छ।
नेकपा एमाले र माओवादीको संयुक्त बाम गठकन्धनको साँफेबगर नगरपालिका वडा नम्बर १३ बाब्लामा भएको चुवानी घर दैलो पछिको सभामा बोल्दै उहाँले नेकपा एमालेको पक्षमा जन लहर भएकाले नगरपालिकामा बाम गठबन्धनका उम्मेदवारले बाजि मार्ने बताउनु भएको हो। उहाँले कसैको लोभ लालचमा नलागेर बाम गठबन्धनका उम्मेदवारलाई मतदान गर्न पनि कार्यकर्ताहरुलाई सुझाव दिनु भएको छ।
कार्यक्रममा नेकपा एमाले र माओवादी केन्द्रको तर्फबाट साँफेबगर नगरपालिकाको नगर प्रमख पदका उम्मेदवार तथा नेकपा एमालेका जिल्ला कमिटी सचिवालय सदस्य पशुपति कुँवरले महिला तथा बालबालिकाको कुरामा आफु गम्भीर भएको बताउनु भएको छ। साँफेबगर नगरपालिका वडा नम्बर १३ बाब्लामा घर दैलो पछि चुनावी सभामा बोल्दै उहाँले आफूलाई सूर्य चिन्हमा मतदान गरेर विजयि गराउन आग्रह गर्नु भयो।
हाँले आफू विजयि भए पछि पिछडिएका महिला, बालबालिका अपांग, बृद्धबृदाहरुका मागलाई सम्बोधन गर्ने बताउनु भयो। उहाँले बेरोगारी समस्यालाई निर्मूल पार्नको लागि पालिकामा सीपमूलक तालिम देखि लिएर रोजगारीका सवालमा गम्भीर भएर लाग्ने प्रतिवद्धता समेत जनाउनु भएको छ। उहाँले यस्ता कुरामा आफू पहिले देखि नै जोड दिंदै आई रहेको र अब चुनाव जिते पछि यस्ता सवालमा अझ गम्भीर भएर लाग्ने बताउनु भयो।
घर दैलो कार्यक्रममा नेकपा एमाले सुदूरपश्चिम प्रदेश कमिटी सदस्य मिन बहादुर कुँवर, नृप सुनार, जयन्द्र बहादुर स्वार, जंग बि.क., नेकपा एमाले जिल्ला कमिटी सचिवालय सदस्य तथा संगठन विभाग प्रमुख प्रकाश शाह, नेकपा एमाले जिल्ला कमिटी सचिवालय सदस्य सागर सिंह बाब्ली, नेकपा एमाले जिल्ला कमिटी सदस्य हिरिण्ड कुँवर, राधिका भुजेल, वडा अध्ययक्ष पदका उम्मेदवार रुप बहादुर कुँवर, नेकपा माओवादी केन्द्रका जिल्ला समन्वय सदस्य गंगा रावत, नेकपा माओवादी केन्द्रका साँफेबगर नगर कमिटी अध्यक्ष तथा नगर उपप्रमुख पदका उम्मेदवार रंग बहादुर ठकुल्ला, नेकपा एामाले साँफेबगर नगर कमिटी उपाध्यक्ष ललित रैगाई, अनेरास्ववियु क्रान्तिकारीका केन्द्रीय सदस्य मिन बाब्ली, अनेरास्ववियुका जिल्ला कमिटी सचिव भिम बडाहित, वडा सदस्य पदका उम्मेदवार लगाएतका नेता कार्यकर्ताहरुको सहभागिता रहेको थियो।
कार्यक्रम वडा कमिटी अध्यक्ष लोकेन्द्र बिष्टको अध्यक्षतामा भएको थियो। वडा कमिटी उपसचिव लोक बहादुर बटालाले स्वागत मन्तव्य राख्नु भएको कार्यक्रमको संचालन नेकपा एमाले साँफेबगर नगर कमिटी सदस्य कविराज जोशीले गर्नु भएको थियो।
यस्तै नेकपा एमाले र माओवादीको संयुक्त बाम गठकन्धनको घर दैलो तथा चुनावी सभा साँफेबगर नगरपालिका वडा नम्बर १२ खप्तडमा पनि सम्पन्न भएको जनाईएको छ।
